Bakı. 29 noyabr. REPORT.AZ/ Neftin qiyməti çərşənbə axşamı hasilatın azaldılmasına dair OPEC+ sazişinin müddətinin gözlənilən uzadılması ilə bağlı qeyri-müəyyənlik fonunda düşməyə başlayıb.
“Report” xəbər verir ki, bu barədə hərracların nəticələri deməyə əsas verir.
Bakı vaxtı ilə 23.14-ə olan məlumata görə, "Brent" markalı neftin fevral fyuçersləri 0,17 faiz ucuzlaşaraq bir barel üçün 63,27 dollar təşkil edib.
WTI markalı yüngül neftin dekabr fyuçersləri 0,14% ucuzlaşaraq bir barelə görə 58,03 dollara düşüb.
Bazarlar OPEC+ daxil olan və olmayan ölkələrin nümayəndələrinin bəyanatlarına belə reaksiya veriblər.