​Neftin qiyməti 45 dolları ötüb

Bakı.6 may.REPORT.AZ/ London və Nyu-York birjalarında keçirilən elektron hərraclar zamanı neftin qiymətində ötən günlərə nisbətdə artım müşahidə olunub.

"Report" xəbər verir ki, Nyu-Yorkun NYMEX əmtəə birjasında WTI markalı neftin iyun fyuçersləri 1,14 faiz artaraq bir barel üçün 44,28 təşkil edib.

Londonun "ICE Futures" birjasında isə "Brent" markalı neftin iyun qiymətləri 0,92 faiz artaraq bir barelə görə 45,03 dollara bərabər olub.