Neft Fondu valyuta satışını 11% azaldıb

Bu ilin yanvar-iyun ayları ərzində Azərbaycan Dövlət Neft Fondu (ARDNF) 2 643,6 mln. ABŞ dolları məbləğində valyuta satışı həyata keçirib.

“Report” xəbər verir ki, bu barədə ARDNF məlumat yayıb.

Bu, ötən ilin eyni dövrü ilə müqayisədə 11% azdır.

Bu ilin I yarısında valyuta satışının 315,9 mln. dolları iyun ayının payına düşüb. Bu isə ötən ilin iyun ayından 28% azdır.

Xatırladaq ki, ARDNF tərəfindən 2018-ci ilin yanvar-iyun ayları ərzində 2 974,5 mln. dollar, iyun ayında isə 439 mln. dollar məbləğində vəsait satılıb.