Yuxarı
    Bağlamaq

    ​Masallı rayonunun iki kəndinə qaz verilib

    Masallı rayonunun Ətcələr və Birinci Səmədxanlı kəndlərinə yenidən qaz verilib

    Bakı. 7 iyul. REPORT.AZ/ Bu gün Masallı rayonunun Ətcələr və Birinci Səmədxanlı kəndlərinə yenidən təbii qazın verilməsi münasibəti ilə tədbir keçirilib. Bu barədə"Report"a Azərbaycan Dövlət Neft Şirkətinin (SOCAR) mətbuat xidmətindən məlumat verilib.

    Rayon İcra Hakimiyyəti və “Azəriqaz” İstehsalat Birliyinin təmsilçiləri, sakinlərin iştirak etdiyi açılış mərasimlərində bildirilib ki, kəndlərə təbii qazın verilməsi məqsədi ilə “Azəriqaz” tərəfindən böyük həcmdə tikinti-quraşdırma işləri aparılıb.

    Belə ki, 157 abonenti olan Ətcələr kəndinin qazlaşdırılması üçün birpilləli sistem əsasında 9 695 metr uzunluğunda metal borularla daşıyıcı və məhəllədaxili qaz xətləri çəkilib, sayğac və fərdi tənzimləyicilər quraşdırılıb. Birinci Səmədxanlı kəndinin 194 abonenti də qazlaşdırılıb, kəndə 20 674 metrlik metal borularla daşıyıcı və məhəllədaxili qaz xətləri çəkilib, 194 ədəd sayğac və fərdi tənzimləyici quraşdırılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi