"LUKoil" şirkəti bu il xaricidəki neft emalı zavodlarından gəlirinin artacağını gözləyir

Bakı. 16 fevral. REPORT.AZ/ Rusiyanın "LUKoil" şirkəti 2015-ci ildə xaricdəki neft emalı zavodlarından 200 mln. dollar gəlir əldə edib.

"Report" TASS agentliyinə istinadən xəbər verir ki, bu barədə şirkətin vitse-prezidenti Vladimir Nekrasov bildirib.

O qeyd edib ki, şirkət bu il nəticələrin daha yaxşı olacağını gözləyir.

Şirkətin vitse-prezidentinin sözlərinə görə, bu ilin yanvar ayında əldə edilən məbləğ 50 mln. dollar təşkil edib.

"Əgər cari vəziyyət saxlanılarsa, bu il illik nəticə daha da uğurlu olacaq".

O qeyd edib ki, 2015-ci ildə şirkət Rusiyada 44,1 mln. ton neft emal edib, bütün emal zavodlarında isə ümumi həcm 66,5 mln. ton təşkil edib.