Yuxarı
    Bağlamaq

    Liviyada neft hasilatının artması OPEC sazişinə zərbə vura bilər

    30 noyabr Vyana anlaşması pozula bilər

    Bakı. 4 yanvar. REPORT.AZ/ Liviya özünün ən böyük neft yatağında hasilatı 2 illik fasilədən sonra artırmağa başlayıb. "Report" "Bloomberg" agentliyinə istinadən xəbər verir ki, bu ay təxminən 1,9 mln. barel neft "Şarara" yatağından hasil olunaraq "Əz-Zavia" limanına göndəriləcək.

    Qeyd edək ki, "Şarara" yatağının ötən ay yenidən istismar edilməsinə başlanılıb və bununla da Liviyanın gündəlik neft hasilatı 650 min barelə yüksəlib. Bununla yanaşı ölkədə əsas limanların fəaliyyəti də bərpa olunub. 

    Xatırladaq ki, Liviyanın Milli Neft Korporasiyasının rəhbəri Mustafa Sanalla dekabrın 21-də bəyan edib ki, 2017-ci ilin yanvar ayında ölkədə gündəlik neft hasilat 900 min barelə çata bilər. Bu baş versə, Liviyanın neft hasilatındakı artım Neft İxrac Edən Ölkələr Birliyi - OPEC-in azaltmağa qərar verdiyi gündəlik hasilat həcminin 1/3-i qədər olacaq. 

    "Report"un analitik qrupu hesab edir ki, neft hasilatının artırılması ilə bağlı xəbərlər və ABŞ-da artan aktiv neft quyularının sayı neftin qiymətinin yüksəlməsinə mane olacaq. Belə ki, İraqdan gələn son məlumatlara görə, oradakı müstəqil kürd bölgəsi neft hasilatı kvotalarına riayət etmir. Nəticədə yaxın aylarda digər neft hasilatçısı ölkələri 30 noyabr Vyana anlaşmasından imtina edə, bu isə nefti kəskin ucuzlaşdıra bilər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi