Yuxarı
    Bağlamaq

    Liviya iki ən iri neft yatağından satışı bərpa edib

    Liviya hasilatı bir ayda 175 min barel artıracaq

    Bakı. 21 dekabr. REPORT.AZ/ Liviyanın iki ən iri neft yatağından satış prosesi bərpa edilib. 

    "Report"un "Forexpf.ru" saytına istinadən verdiyi xəbərə görə, bu barədə Liviya Milli Neft Korporasiyasından məlumat verilib. 

    Məlumata görə, Liviya 2 illlik fasilədən sonra "Şarara" (Sharara) neft yatağından "Zaviya"(Zawiya) neft emalı zavoduna, eləcə də "El-Fil" (El-Feel) neft yatağından "Mellitah" neft emalı zavoduna neft təchizatını bərpa edib. Bununla da Liviyanın neft hasilatı bir ay ərzində gündəlik 175 min barel, 3 ay ərzində isə 270 min barel arta bilər.

    Qeyd edək ki, bu yataqlardan neft təchizatı bərpa olunana qədər Liviyanın gündəlik neft hasilatı 600 min barel təşkil edib. Bu da Liviyada 2011-ci ildə başlayan siyasi gərginlikdən əvvəlki 1,6 mln. barel/gün hasilat həddindən çox aşağıdır. Məhz bu məlumat neft qiymətlərinin artmasının qarşısını alan amil olub. Belə ki, dünən açıqlanan göstəriciyə görə, ABŞ-da neft ehtiyatları proqnozlardan daha çox, yəni 4,1 mln. barel azalıb və neft qiymətlərinin bu xəbərdən sonra ciddi artacağı gözlənilirdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi