Yuxarı
    Bağlamaq

    Körfəz ölkələri neft üzrə görüş keçirməyi təklif edir

    Görüşün dəqiq tarixi və yeri hələlik müəyyən edilməyib

    Bakı. 4 mart. REPORT.AZ/ Fars körfəzi ölkələri aprelin birinci yarısında region şəhərlərinin birində Neft İxrac Edən Ölkələr Birliyinə (OPEK) üzv və qeyri-üzv neft hasilatçısı ölkələrin görüşünü keçirməyi planlaşdırır.

    "Report" xəbər verir ki, bu barədə körfəzin ərəb ölkələrindən birinin OPEK-dəki nümayəndəsinə istinadən "Reuters" məlumat verib.

    "Nə tarix, nə də məkan müəyyənləşib. Körfəz ölkələri görüşün aprelin birinci yarısında və Dohada, eləcə də körfəzdəki hansısa digər şəhərdə keçirilməsinə üstünlük verir", - deyə mənbə bildirib.

    Xatırladaq ki, bir müddət əvvəl "Bloomberg" Nigeriyanın neft naziri Emmanuel Kaçikvuya istinadən neft hasil edən ölkələrin görüşünün martın 20-də Rusiyada keçiriləcəyini xəbər vermişdi. Amma OPEK-dən neft hasil edən ölkələrin yeni görüşünün tarixi və yeri haqqında qərarın olmadığı bildirilmişdi.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi