İranın neft naziri: Azərbaycanın həyata keçirdiyi enerji layihələrində iştirak etməyə hazırıq

Bakı. 9 May. REPORT.AZ/ İranın neft şirkətləri Azərbaycanın həyata keçirdiyi beynəlxalq neft və qaz layihələrində iştirak etməyə hazırdır.

"Report"un AZƏRTAC-a istinadən verdiyi xəbərə görə, bu sözləri İranın neft naziri Bijən Namidar Zəncani 20-ci Neft-Qaz Sərgisində deyib.

Nazir bildirib ki, regionumuz neft və qazla zəngindir və birgə əməkdaşlıq neft hasilatını artırmaqla yanaşı, onun nəqlini də asanlaşdırar. İran neft sahəsində Azərbaycanla yanaşı, İraq və Türkmənistanla da əməkdaşlıq etmək niyyətindədir. Bu əməkdaşlıq İrana neft hasilatı üçün texnologiyanın yenilənməsinə yardım edə bilər.

Nazirin deyib ki, İrana qarşı tətbiq edilən iqtisadi sanksiyalar aradan qaldırılan kimi rəsmi Tehran regionda reallaşdırılan beynəlxalq enerji layihələrində iştirak edəcək.