İrana məxsus ilk tanker Avropaya çatıb

Bakı. 7mart. REPORT.AZ/ Tehrana qarşı tətbiq olunan beynəlxalq sanksiyaların ləğvindən sonra İrana məxsus ilk tanker Avropa sahillərinə yanaşıb.

"Report"un "Gazeta.Ru"ya istinadən verdiyi xəbərə görə, təxminən 1 milyon barrel xam neft daşıyan "Monte Toledo" tankeri İspaniyanın Alhesirase limanına daxil olub və artıq "qara qızılın" boşaldılmasına başlanılıb.

İran nefti CEPSA şirkətinin sahib olduğu Neft Emalı Zavodunda istifadə olunacaq.

Məlumata əsasən, "Monte Toledo" tankeri İrandan Avropaya 17 günə çatıb.