İran qazının əvəzini tapmaq üçün İraqa 1-4 il vaxt lazımdır

İraq İrandan təbii qazın idxalını dayandırsa, ölkənin elektrik şəbəkəsinin gücü 2 800 mVt azalacaq və alternativ mənbə tapmaq 1-4 il vaxt lazım olacaq. 

“Report” Rusiya mətbuatına istinadən xəbər verir ki, bunu İraqın Elektrik Təchizatı Nazirliyinin sözçüsü Məsəəb əl Müdərris bildirib. 

Onun sözlərinə görə, hazırda İrandan gündəlik 28 milyon kubmetr qaz tədarük edilir və bu rəqəmin yayda 35 milyon kubmetrə çatdırılması nəzərdə tutulub.