Yuxarı

"Halliburton" neftin qiymətinə görə daha 5 min əməkdaşını ixtisara salacaq

İxtisar şirkətin ümumi personalının 8%-nə təsir edəcək

Bakı. 26 fevral. REPORT.AZ/ ABŞ-ın "Halliburton" neft-xidmət şirkəti neftin qiymətinin aşağı olmasına görə daha 5 min əməkdaşını ixtisara salacaq.

"Report" "Efe" informasiya agentliyinə istinadən xəbər verir ki, ixtisar şirkətin ümumi personalının 8%-nə təsir edəcək.

Xatırladaq ki, yanvar ayında "Halliburton" 2015-ci ilin IV rübünün maliyyə nəticələrini təqdim etdikdən sonra 4 min əməkdaşını ixtisara salmışdı.

Qeyd edək ki, 2015-ci ilin yekunları üzrə "Halliburton" şirkəti 666 milyon dollar məbləğində xalis zərərə qatlaşıb. Hərçənd bir il əvvəl bu göstərici 3,436 milyard dollarlıq gəlirlə ölçülürdü.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi