Yuxarı

Hacıqabul-Qardabani qaz kəməri ​bir neçə ilə yenilənəcək

Bunun üçün müvafiq proqram hazırlanıb

Bakı. 10 noyabr. REPORT.AZ/ Azərbaycandan Gürcüstana çəkilən Hacıqabul-Qardabani qaz kəməri bir neçə ilə yenilənəcək. "Report" xəbər verir ki, bu barədə jurnalistlərə Azərbyacan Dövlət Neft Şirkətinin (SOCAR) prezidenti Rövnəq Abdullayev bildirib.

R.Abdullayev qeyd edib ki, 1971-ci ildə çəkilən bu kəmər bir qədər köhnəlib və bəzən kəmərdə ploblemlər yaranır: "Bu boru kəmərində xüsusən də qışda təzyiqi artıranda müəyyən problemlər yarana bilir. Bu problemləri aradan qaldırırıq. Bunun üçün proqram hazırlamışıq. Lakin bu, mərhələli şəkildə həyata keçirilir".

SOCAR rəhbəri qeyd edib ki, keçən il boru kəmərinin böyük hissəsində dəyişikliklər aparılıb və bu il də problemli sahələr dəyişdirilir: "Düşünürəm ki, bir neçə ilə Hacıqabul-Qardabani qaz kəməri yenilənəcək. Azərbaycandan Gürcüstana başqa boru kəmərinin çəkilişinə isə ehtiyac yoxdur".

Qeyd edək ki, Gürcüstanın energetika naziri Kaxa Kaladze Gürcüstana Azərbaycandan ikinci xəttin çəkilməsi məsələsinə baxdıqlarını bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi