Bakı. 11 sentyabr. REPORT.AZ/ Sentyabrın 14-də saat 10:00-dan 18:00-dək SOCAR-ın Qaz İxrac İdarəsinin Hacıqabul magistral qaz kəmərləri sahəsinin “Kürdmaşı” qazpaylama stansiyasında və bəzi ölçü qovşaqlarında təmir işləri aparılacaq.
"Report" SOCAR-ın mətbuat xidmətinə istinadən xəbər verir ki, təmir müddətində İsmayıllı rayonunun Habit, Qarakollar, Aşıqbayram, Ustal, Mollauşaq, Hardamalı, Kürtelli, Qaçqınlar və Kürdmaşı kəndlərinin qaz təchizatında məhdudiyyətlər olacaq.