Yuxarı

​Gürcüstan səfiri: "Bakı-Supsa kəməri ilə bağlı məsələ həllini tapıb"

Teymuraz Şaraşenidze: Bu münasibətlərimizin, xüsusilə də Azərbaycanla əlaqələrimizin inkişafını istəməyənlərin təxribat əməlləridir

Bakı. 7 avqust. REPORT.AZ/ "Hazırda Bakı-Supsa boru kəməri ilə bağlı məsələ həllini tapıb".

"Report" xəbər verir ki, bunu kəmərin bir hissəsinə separatçı Cənubi Osetiya tərəfinin nəzarət etməsi məsələsini şərh edən Gürcüstanın Azərbaycandakı səfiri Teymuraz Şaraşenidze jurnalistlərə bildirib.

T.Şaraşenidze qeyd edib ki, Cənubi Osetiya sərhəd xəttini göstərən banneri süni şəkildə irəli aparıb geri çəkir: "Bildiyimə görə, banneri yenidən geri qaytarıblar. Bu münasibətlərimizin, xüsusilə də Azərbaycanla əlaqələrimizin inkişafını istəməyənlərin təxribat əməlləridir".

Diplomat ümidvar olduğunu bildirib ki, belə təxribatlar ikitərəfli münasibətlərin səviyyəsinə mənfi təsir etməyəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi