Bakı. 18 dekabr. REPORT.AZ/ Azərbaycan Dövlət Neft Şirkətinin (SOCAR) “Günəşli” yatağındakı 11-ci özüldə 30 nömrəli quyuda qazma işlərinə başlanılıb.
"Report" SOCAR-ın mətbuat xidmətinə istinadən xəbər verir ki, quyu “Azneft” İstehsalat Birliyi “28 May” Neft və Qazçıxarma İdarəsinin sifarişi ilə “SOCAR AQŞ” Müştərək Müəssisəsi tərəfindən Qirməkialtı Lay Dəstəsinə qazılır.
Quyunun layihə dərinliyi 4 100 metrdir.
Geoloqların hesablamalarına əsasən, quyudan sutkada 80 min kubmetr qaz və 15 ton neft hasil olunacağı nəzərdə tutulur.