​“Günəşli” yatağında yeni quyu istismara verilib

Bakı. 2 avqust. REPORT.AZ/ Dayazsulu “Günəşli” yatağındakı 11 nömrəli dərin dəniz özülündən 30 nömrəli quyu qazmadan sonra istismara verilib.

"Report" SOCAR-a istinadən xəbər verir ki, "SOCAR-AQŞ" tərəfindən Qirməkiüstü Qumlu Lay Dəstəsinə qazılan quyu fontan üsulu ilə məhsul verib, 3 787-3 773 metr intervaldan sutkalıq 30 ton kondensat və 115 min kubmetr qaz hasilatı ilə istismar fonduna qəbul edilib.

Qeyd edək ki, quyu “Azneft” İstehsalat Birliyinin “28 May” Neft və Qazçıxarma İdarəsinin sifarişi ilə qazılıb.