Yuxarı
    Bağlamaq

    “Günəşli” yatağında yeni nasos stansiyalarının tikintisi nəzərdə tutulur

    Nasos stansiyalarının gündəlik suvurma gücü 5 000 və 9 500 kubmetr təşkil edəcək

    Bakı. 8 fevral. REPORT.AZ/ Azərbaycan Dövlət Neft Şirkətinin (SOCAR) “Azneft” İB-nin sifarişi ilə “Neftqazelmitədqiqatlayihə” İnstitutunun layihəsi əsasında “Günəşli” yatağında istismar olunan quyularda lay təzyiqinin sabit saxlanılması məqsədi ilə 2 ədəd yeni nasos stansiyasının inşası nəzərdə tutulur.

    "Report" SOCAR-a istinadən xəbər verir ki, layihənin baş podratçısı “Neftqaztikinti” Trestidir. Yataqdakı 6 və 9 saylı dərin dəniz özüllərində yerləşdiriləcək nasos stansiyalarının su tələbatına uyğun yeni dalma nasosları, soyutma və drenaj, nəzarət ölçü cihazları və avtomatika, eləcə də yanğınsöndürmə sistemləri, qaldırıcı mexanizmlər quraşdırılacaq. Özüllərdəki mövcud operator otaqları yenilənəcək, boru xətlərinin üzərində keçid meydançaları inşa ediləcək. İnşaat işləri zamanı ətraf mühitin mühafizəsi bütün müasir norma və tələblərə uyğun şəkildə təmin ediləcək. 

    Qeyd edək ki, quraşdırılacaq nasos stansiyalarının gündəlik suvurma gücü 6 saylı özüldə 5 000 kubmetr, 9 saylı özüldə isə 9 500 kubmetr təşkil edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi