Goranboy və Naftalan rayonlarının qaz təchizatında fasilə yarana bilər

Bakı. 15 noyabr. REPORT.AZ/ Bu gün saat 12:00-dan 18:00-a qədər Azərbaycan Dövlət Neft Şirkətinin (SOCAR) Qaz İxrac İdarəsinin Ağdaş magistral qaz kəmərləri sahəsində cari təmir işləri aparılacaq. Bu barədə "Report"a SOCAR-dan bildirilib.

Məlumata görə, təmir işləri Qazıməmməd-Qazax magistral qaz kəmərinin Ağdaş rayonundan keçən hissəsini, “Goranboy” qazpaylama stansiyasını və bəzi ölçü qovşaqlarını əhatə edəcək. Bu işlərin Goranboy və Naftalan rayonlarının bir hissəsinin təbii qazla təchizatına təsir göstərməsi mümkündür.