Gələn ilin birinci rübü neft bazarı üçün çətin olacaq

Gələn ilin birinci rübü neft bazarı üçün çətin olacaq Neft bazarında koronavirus pandemiyasının təsiri 2021-ci ilin birinci rübündə də davam edəcək, yeni peyvənd dərmanlarının tətbiqi isə ilin ikinci yarısından tez mümkün görünmür.
Energetika
724
30 Noyabr , 2020 18:45
Gələn ilin birinci rübü neft bazarı üçün çətin olacaq

Neft bazarında koronavirus pandemiyasının təsiri 2021-ci ilin birinci rübündə də davam edəcək, yeni peyvəndin tətbiqi isə ilin ikinci yarısından tez mümkün görünmür.

“Report” xarici KİV-ə istinadən xəbər verir ki, bu barədə cari ildə OPEC konfransının prezidenti vəzifəsini icra edən Əlcəzairin neft naziri Əbdülməcid Əttar konfransın açıq iclasındakı nitqi zamanı bildirib.

“Bazar şərtlərinin gələn ilin birinci rübündə də əvvəlki kimi qalacağını dərk etməli, ona görə də çox ehtiyatlı olmalıyıq. Kütləvi peyvəndləmə üçün vaxt lazımdır. Bunun səmərəsini 2021-ci ilin ikinci yarısından əvvəl görməyəcəyimiz şəksizdir”, - Ə.Əttar deyib.

Bununla yanaşı, ümid işığının da olduğunu qeyd edən sədr 2021-ci ildə dünyada iqtisadi artımın 4,4 faiz, neftə tələbat artımının isə 6,1 milyon barel həcmində gözlənildiyini xatırladıb.

Adətən iclasdan əvvəl nitq söyləyən Səudiyyə Ərəbistanının enerji naziri şahzadə Əbdüləziz bin Salman bu dəfə söz almayıb. 2021-ci ildə neft hasilatı məsələlərinin müzakirə olunduğu OPEC+ Nazirlərinin Birgə Monitorinq Komitəsinin növbəti iclası Bakı vaxtı ilə saat 17:30-da başlayıb.

Son xəbərlər

Orphus sistemi