Yuxarı

​Fransa şirkəti TAP-da layihə icrasını həyata keçirəcək

Qeyd edək ki, Technip enerji sənayesində layihələrin idarə edilməsi, mühəndislik və tikinti sahəsində dünya lideridir

Bakı. 21 iyul. REPORT.AZ/ Fransanın "Technip" şirkəti Trans Adriatik Boru Xətti (TAP) layihəsində layihə idarəedilməsi üzrə məsləhətçilik edəcək. "Report" xəbər verir ki, bu barədə "TAP AG"nin yaydığı məlumatda bildirilir.

Müqavilə kəmərin Yunanıstan, Albaniya və İtaliyanın quru hissəsində qüvvədə olacaq. "Technip"in göstərəcəyi xidmətlərə tikinti prosesinin idarə edilməsi, bütün tikinti dövrü ərzində təchizatçılıq və subpodrat mühəndislik daxildir.

Layihənin tamamlanması 2020-ci ilin birinci rübünə planlaşdırılır.

Xidmətlər əsasən TAP-ın İsveçrənin Baar şəhərində yerləşən qərargahında, "Technip"in Romada yerləşən ofisində, həmçinin Yunanıstan, Albaniya və İtaliyada fəaliyyət göstərəcək digər mərkəzlərdə reallaşacaq.

Qeyd edək ki, "Technip" enerji sənayesində layihələrin idarə edilməsi, mühəndislik və tikinti sahəsində dünya lideridir.

Xatırladaq ki, TAP-da pay bölgüsünə əsasən BP, SOCAR və "Statoil" hərəsinə 20% paya malikdir. Qalan hissənin 19%-i Belçikanın "Fluxy", 16%-i İspaniyanın "Enagas" və 5%-i isə isveçin "Axpo" şirkətinə məxsusdur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi