Yuxarı

"Fitch": Neftin qiyməti 2018-ci ildə 60 dollara qalxacaq

Bu il isə bazardakı orta qiymət 45 dollar/barel olacaq

Bakı. 29 yanvar. REPORT.AZ/ Dünya bazarında neftin qiyməti 2018-ci ildə 60 dollar/barelə kimi yüksələcək. "Report" xəbər verir ki, bu proqnozla "Fitch" beynəlxalq reytinq agentliyi çıxış edib.

Agentliyin mütəxəssisləri hesab edirlər ki, buna qədər isə iki il ərzində neft bazarında qiymət azalması müşahidə olunacaq.

"Fitch" karbohidrogenlərin qiyməti ilə bağlı iki ssenari hazırlayıb. Optimist ssenariya görə, 2016-cı ildə bazardakı orta qiymət 45 dollar/barel ətrafında dəyişəcək, 2017-ci ildə neftin qiyməti 55 dollara/barelədək, 2018-ci ildə isə 60 dollar/barelədək artacaq.

"Hazırda dünya bazarında neftin qiyməti 30 dollar/barel ətrafındadır ki, neft layihələrinin maya dəyəri baxımından bu, qəbuledilməz göstəricidir. Neftin qiymətinin aşağı olması hasilatı azaldacaq ki, bu da "qara qızıl"ın dəyərini artıracaq", - deyə "Fitch"in proqnozunda qeyd olunub.

Agentliyin mütəxəssisləri hesab edirlər ki, neft öz mövqeyini bu ildən möhkəmləndirməyə başlayacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi