Ərəb fondu "Rosneft"in səhmdarı ola bilər

Ərəb fondu "Rosneft"in səhmdarı ola bilər Konsorsium səhmlərinin bir hissəsini sata bilər
Energetika
26 Dekabr , 2016 10:56
Ərəb fondu Rosneftin səhmdarı ola bilər

Bakı. 26 dekabr. REPORT.AZ/ Rusiyanın ən iri neft şirkəti olan "Rosneft"in səhmdarlarının sayı arta bilər. "Report"un verdiyi xəbərə görə, bu barədə məlumat "Vedomosti" jurnalında dərc olunub.

Qeyd edək ki, cari ayın ilk günlərində Rusiyanın "Rosneft" şirkətinin 19,5% səhmləri 10,2 mlrd. avroya Qətər İnvestisiya Fondu və İsveçrənin "Glencore" şirkətindən ibarət konsorsiuma satılıb. Konsorsium əlindəki səhmlərin bir hissəsini satışa çıxara bilər. 

Qeyd edək ki, "Rosneft"in səhmdarları arasında Səudiyyə Ərəbistanının "Mubadala" Fondu yer almaq istəyib. Xatırladaq ki, özəlləşdirmə öncəsi "Rosneft" ABŞ, Avropa, Asiya-Sakit okean bölgəsindən 30-a yaxın fond, şirkət və maliyyə institutları ilə danışıqlar aparıb.