Yuxarı

Əlcəzair sammitində razılaşma əldə olunmasa neftin qiyməti 20 dollardan aşağı düşə bilər

Müzakirələrin nəticəsi sabah məlum olacaq

Bakı. 27 sentyabr. REPORT.AZ/ Neft hasil edən ölkələrin sabah Əlcəzairdə keçiriləcək sammitində hasilatın azaldılması və yaxud dondurulması ilə bağlı hər hansı qərar qəbul olunmasa dünya bazarında neftin hər barelinin qiyməti 20 dollardan da aşağı düşə bilər. 

"Report"  Rusiya mətbuatına istinadən xəbər verir ki, bu barədə Venesualanın neft və dağ-mədən sənayesi naziri Euloxio del Pino "Russia Today" televiziyasına müsahibəsində bildirib.

"Biz hazırda neftin ucuzlaşmasının qarşısını almaq üçün Səudiyyə Ərəbistanı və İranla davamlı təmaslardayıq. Sabaha qədər müsbət qərar qəbul edə bilməsək, hasilatçı ölkələrin arasındakı mövcud qiymət müharibəsi bazarda qiymətin 20 dollar/bareldən aşağı düşməsinə səbəb olacaq", - deyə nazir qeyd edib. 

Xatırladaq ki, sentyabrın 26-da Nigeriyanın neft naziri Emmanuel Kaçikvu OPEC üzvü ölkələrin görüşünün sentyabrın 28-də baş tutacağını bildirib. Görüşdə neft hasilatının dondurulması məsələsi müzakirə olunacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi