Yuxarı
    Bağlamaq

    Dünya neft ehtiyatları sürətlə azalır

    Bu ilin III rübündə neftin qiyməti 65 dollar/barelə yüksələ bilər

    Bakı. 4 aprel. REPORT.AZ/ Mövcud neft ehtiyatları və neftlə yüklənmiş gəmilərin məcmu həcmi 3 aprel tarixinə 812 mln. barel təşkil edib. "Report" "Forexpf.ru" saytına istinadən xəbər verir ki, bu açıqlama ilə ABŞ-ın "Vortexa" informasiya-araşdırma şirkətinin neft sektoru üzrə analitikləri çıxış ediblər. 

    Şirkətin hesabatına görə, 2017-ci il yanvarın 1-nə məcmu qlobal neft ehtiyatları 978 mln. barel təşkil edib. Bu da ilk rübdə ehtiyatların 166 mln. barel və ya 17% azaldığını göstərir. "Vortexa"nın ekspertləri neft ehtiyatlarının gözlənildiyindən daha sürətlə azaldığını bildiriblər.

    Qeyd edək ki, bugünkü proqnoz hesabatında Fransanın "BNP Paribas" bankı neft qiymətlərinin 2017-ci ilin III rübündə 65 dollar/barelə qədər yüksələcəyini qeyd edib. Hazırda "Brent" markalı neftin qiyməti 53,60 dollar/barelə bərabərdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi