Yuxarı
    Bağlamaq

    ''Darvin bankası”ndakı özüldə yenidənqurma işləri başa çatıb

    Əlavə qazılacaq quyuların hər birindən gündəlik 5 ton neft hasil ediləcəyi nəzərdə tutulur

    Bakı. 12 iyun. REPORT.AZ/ “Darvin bankası” yatağındakı 720 saylı Stasionar Dəniz Özülündə əlavə 4 quyunun qazılması məqsədi ilə yenidənqurma işləri həyata keçirilib.

    “Report”un Dövlət Neft Şirkətinə (SOCAR) istinadən verdiyi xəbərə görə, “Azneft” İstehsalat Birliyinin sifarişi ilə “Neftqaztikinti” Tresti tərəfindən 4 quyu şaxtası və istiqamətləndirici boru layihə dərinliyinə vurulub, sementləmə işləri yerinə yetirilib, quyular üçün yeni monifold bloku yığılıb. “Qazpaylayıcı qurğu quraşdırılaraq mövcud sistemlə əlaqələndirilib. İşlər təhlükəsizlik və əməyin mühafizəsi üzrə bütün müasir tələblərə uyğun şəkildə aparılıb”, - deyə məlumatda qeyd edilib.

    Əlavə qazılacaq quyuların hər birindən gündəlik 5 ton neft hasil ediləcəyi nəzərdə tutulur.                              

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi