D230 blokunda əldə edilmiş məlumatların emalına başlanıb

D230 blokunda əldə edilmiş məlumatların emalına başlanıb Xəzər dənizin Azərbaycan sektorunda yerləşən D230 blokunda 2019-cu ilin dekabr ayında başlanmış 3-ölçülü seysmik tədqiqat proqramı mart ayının 14-də başa çatıb.
Energetika
106
12 May , 2020 13:02
D230 blokunda əldə edilmiş məlumatların emalına başlanıb

Xəzər dənizin Azərbaycan sektorunda yerləşən D230 blokunda 2019-cu ilin dekabr ayında başlanmış 3-ölçülü seysmik tədqiqat proqramı mart ayının 14-də başa çatıb.

Bu barədə “Report”a 230 blokunun operatoru “BP-Azerbaijan” şirkətindən məlumat verilib.

Bildirilir ki, əldə edilmiş məlumatların emalına başlanıb və bunun ardınca məlumatların interpretasiyası aparılacaq.

Məlumatda deyilir ki, interpretasiyanın nəticələri müsbət olarsa, ilk kəşfiyyat quyusunun planlaşdırılması başlanacaq. 

Qeyd edək ki, BP və SOCAR arasında Xəzərin Azərbaycan sektorunda yerləşən Şimali Abşeron hövzəsində D230 saylı blok daxilindəki potensial perspektivli strukturlarda birgə kəşfiyyat işlərinin aparılması üçün 2018-ci ilin aprel ayında Hasilatın Pay Bölgüsü Haqqında Saziş (HPBS) imzalanıb. Saziş 2018-ci ilin oktyabrında Azərbaycanın parlamenti tərəfindən ratifikasiya edilib.

25 illik müddəti əhatə edən HPBS-ə əsasən, BP 50 faiz iştirak payına malik olmaqla kəşfiyyat dövründə operator olacaq, iştirak payının digər 50 faizi isə SOCAR-a məxsus olacaq.

D230 saylı blok Azərbaycanın sahil xəttindən, təxminən, 80 km məsafədə yerləşir və təxminən, 3,222 km² ərazini əhatə edir. Suyun dərinliyi 100 m və 800 m arasında dəyişir.

Son xəbərlər

Orphus sistemi