Bakı. 11 may. REPORT.AZ/ Fransanın “Total” şirkəti ABŞ-ın İrana qarşı sanksiyaları ilə əlaqədar “Cənubi Fars” yatağındakı payını satarsa, Çinin Milli Neft-Qaz Korporasiyası-CNPC bu payı almağa hazırdır.
“Report” xəbər verir ki, bu barədə “Reuters” agentliyi məlumat yayıb.
Məlumatlı mənbə agentliyə bildirib ki, “Total”ın layihədən çıxması ehtimalı hazırda kifayət qədər yüksəkdir: “Bu halda CNPC hər şeyi nəzarətinə götürməyə hazırdır”.
Yatağın işlənməsi üzrə konsorsiumda “Total” 50,1%, CNPC 30% və İranın “Petropars” şirkəti 19,9% paya malikdir.