Cənubi Qafqaz Boru Kəməri ilə Gürcüstan və Türkiyəyə nəql olunan qazın həcmi açıqlanıb

Bakı. 29 avqust. REPORT.AZ/ İndiyədək "Şahdəniz-1" layihəsi üzrə Cənubi Qafqaz Boru Kəməri ilə Gürcüstana 5,5 mlrd. kubmetr, Türkiyəyə isə 41 mlrd. kubmetr qaz verilib. "Report" xəbər verir ki, bu barədə Azərbaycan Dövlət Neft Şirkətinin (SOCAR) I vitse-prezidenti Xoşbəxt Yusifzadə Bakıda "Xəzər regionunda inkişaf etməkdə olan enerji iqtisadiyyatları: dəyişikliklər və imkanlar" mövzusunda keçirilən I Avrasiya konfransında məlumat verib. 

Onun sözlərinə görə, hazırda bu kəmərlə hər gün orta hesabla Gürcüstana 1,6 mln. kubmetr, Türkiyəyə isə 16,8 mln. kubmetr qaz nəql edilir.