​Buxarestdə Enerji Tənzimləyicilərinin Regional Assosiasiyasının illik konfransı keçirilib

​Buxarestdə Enerji Tənzimləyicilərinin Regional Assosiasiyasının illik konfransı keçirilib Konfrans SOCAR-ın dəstəyi ilə baş tutub
Energetika
1996
7 Oktyabr , 2015 19:14
​Buxarestdə Enerji Tənzimləyicilərinin Regional Assosiasiyasının illik konfransı keçirilib

Bakı. 7 oktyabr. REPORT.AZ/ Oktyabrın 5-6-da Buxarestdə Enerji Tənzimləyicilərinin Regional Assosiasiyasının (ERRA) 14-cü illik konfransı keçirilib.

"Report" Azərbaycan Dövlət Neft Şirkətinə (SOCAR) istinadən xəbər verir ki, İnvestisiyalar və Enerji Tənzimlənməsi məsələlərinə həsr olunmuş konfrans SOCAR-ın dəstəyi ilə baş tutub.

34 ölkədən 190 nümayəndənin qatıldığı tədbirdə Rumıniyanın enerji sektorunda mövcud vəziyyət, təbii qaz bazarında tendensiyalar, energetika qanunvericiliyi, enerjinin maliyyələşdirilməsi və digər mövzular ətrafında məruzələr dinlənilib, fikir mübadiləsi aparılıb. SOCAR-ın İqtisadiyyat və Uçot İdarəsinin rəis müavini Ənvər Qasımov və Birgə Layihələr şöbəsinin rəis müavini Vüsal Abbasov konfransda iştirak ediblər.

Xatırladaq ki, Enerji Tənzimləyicilərinin Regional Assosiasiyası Mərkəzi Avropa, Avrasiya, ABŞ, Afrika, Asiya və Yaxın Şərq ölkələrindən olan tənzimləyici qurumların birliyidir. 

Son xəbərlər

Orphus sistemi