I rübdə Azərbaycan Türkiyəyə 223 min tona yaxın xam neft ixrac edib

Bu ilin yanvar-mart ayları ərzində Azərbaycandan Türkiyəyə 222 950 ton xam neft ixrac edilib.

“Report” xəbər verir ki, bu barədə Türkiyə Enerji Bazarı Tənzimləmə Qurumunun (Enerji Piyasası Düzenleme Kurumu – EPDK) hesabatında qeyd olunub.

Bu ilin mart ayında Türkiyə Azərbaycandan 15 865 ton xam neft idxal edib. Bu ilin yanvar ayında bu həcm 78 000 ton, fevralda isə 129 085 ton təşkil edib.