Bu il Azərbaycanda dizel istehsalı 2% artıb

Bu il Azərbaycanda dizel istehsalı 2% artıb Bakı. 17 dekabr. REPORT.AZ/ Bu ilin yanvar-noyabr aylarında Azərbaycanda neft məhsullarının istehsalı sahəsində istehsalın ümumi dəyəri 2 825,4 mln. manat olmaqla əvvəlki ilin yanvar-noyabr ayları ilə müqayisədə 2% artıb.
Energetika
17 Dekabr , 2018 18:04
Bu il Azərbaycanda dizel istehsalı 2% artıb

Bakı. 17 dekabr. REPORT.AZ/ Bu ilin yanvar-noyabr aylarında Azərbaycanda neft məhsullarının istehsalı sahəsində istehsalın ümumi dəyəri 2 825,4 mln. manat olmaqla əvvəlki ilin yanvar-noyabr ayları ilə müqayisədə 2% artıb.

“Report”un Dövlət Statistika Komitəsinə istinadən verdiyi məlumata görə, bu ilin 11 ayında ölkədə avtomobil benzininin istehsalı 2,7% azalaraq 1 068,5 min ton olub.

Bu müddət ərzində dizel yanacağının istehsalı 2,1% artaraq 1 755,2 min ton təşkil edib.

Bu ilin yanvar-noyabr aylarında sürtkü yağlarının istehsalı 4,5 dəfə artaraq 150,6 min ton, neft bitumunun istehsalı 30,7% artaraq 272,8 min olub. Neft koksunun istehsalı 13% artaraq 223,1 min ton olub.

Bu ilin yanvar-noyabr aylarında yanacaq mazutunun istehsalı 60,7% azlaraq 92,7 min ton təşkil edib.

Bu ilin 11 ayında neft-kimya sənayesində istifadə üçün benzinin istehsalı 8,2% artaraq 179,4 min tona çatıb. Ağ neftin istehsalı isə 2,8% artaraq 554,1 min ton təşkil edib. 

Son xəbərlər

Orphus sistemi