Bu il 69 hündürmərtəbəli binaya qaz verilib

Bakı. 2 mart. REPORT.AZ/ Bu ilin yanvar-fevral ayları ərzində “Azəriqaz” İstehsalat Birliyi hüquqi və fiziki şəxslərin müraciətlərini araşdırıb və müvafiq sənədləri təqdim etmiş 69 çoxmərtəbəli binanın qazının açılmasını təmin edib.

“Report” Birliyə istinadən xəbər verir ki, bu isə ümumilikdə, 3 488 mənzili əhatə edir.

“Azəriqaz” İB qazın satışı ilə məşğul olan bir qurum olaraq zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binaya ən qısa müddətdə qaz açılmasının təmin olunmasında hər zaman maraqlıdır”, - deyə məlumatda qeyd olunub.