Yuxarı
    Bağlamaq

    BP və SOCAR bu il “D230” bloku üzrə saziş imzalaya bilər

    Ötən gün SOCAR ilə bu barədə müzakirələr aparılıb

    Bakı. 15 noyabr. REPORT.AZ/ Xəzər dənizinin Azərbaycan sektorunda, Şimali Abşeron hövzəsindəki "D230" perspektiv bloku üzrə sazişin bu ilin sonuna qədər imzalanması nəzərdə tutulur.

    "Report" xəbər verir ki, bunu BP-nin Azərbaycan, Gürcüstan və Türkiyə üzrə regional prezidenti Qəri Counz jurnalistlərə bildirib.

    BP-nin regional prezidenti qeyd edib ki, ötən gün Azərbaycan Dövlət Neft Şirkətinin (SOCAR) prezidenti Rövnəq Abdullayevlə bu barədə müzakirə aparılıb.

    Qeyd edək ki, 2016-cı il mayın 24-də BP ilə SOCAR arasında Xəzər dənizinin Azərbaycan sektorunda, Şimali Abşeron hövzəsindəki "D230" blokunda potensial perspektiv strukturlarda birgə geoloji-kəşfiyyat işlərinin aparılmasına dair Anlaşma Memorandumu imzalanıb.

    Blok "D230" suyun dərinliyi 300 metrədək və kollektorun dərinliyi 3 000-5 000 metr olan əraziləri əhatə edir.

    Layihədə BP və SOCAR hər biri 50% paya malik olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi