Xəzərin Azərbaycan sektorunda yerləşən D230 blokunda bu ilin sentyabr ayında 3 ölçülü seysmik tədqiqat işlərinə başlanılması planlaşdırılır.
“Report” xəbər verir ki, bu barədə BP-nin Azərbaycan, Gürcüstan və Türkiyə üzrə regional prezidenti Qari Couns bildirib.
Onun sözlərinə görə, bu tədqiqatın nəticələrindən asılı olaraq ilk geoloji kəşfiyyat quyusunun gələn ilin ortalarında qazılması nəzərdə tutulur: “Bu blok böyük gələcək vəd edən və neft ehtiyatları olması ehtimal olunan müqavilə sahəsidir”.
Qeyd edək ki, BP və
25 illik müddəti əhatə edən HPBS-ə əsasən, BP 50 faiz iştirak payına malik olmaqla kəşfiyyat dövründə operator olacaq, iştirak payının digər 50 faizi isə SOCAR-a məxsus olacaq.
D230 saylı blok Azərbaycanın sahil xəttindən, təxminən, 80 km məsafədə yerləşir və təxminən, 3,222 km² ərazini əhatə edir. Suyun dərinliyi 100 m və 800 m arasında dəyişir.