Yuxarı
    Bağlamaq

    BP: "Şahdəniz-2" layihəsində bir çox hədəflərə qrafikdən əvvəl nail olunub

    Layihə üzrə işlərin 50% tamamlanıb

    Bakı. 30 noyabr. REPORT.AZ/ Cari ilin yanvar-sentyabr ayları ərzində "Şahdəniz-2" mərhələsi çərçivəsində bir sıra hədəflərə qrafikdən əvvəl nail olunub. "Report" xəbər verir ki, bu barədə "BP-Azerbaijan" şirkətinin biznes əməliyyatları haqqında hesabatında qeyd olunub.

    "Hazırda layihə üzrə işlər - mühəndis işləri, təchizat və tikinti işləri də daxil olmaqla - ümumilikdə 50% tamamlanıb və ilk qazın 2018-ci ildə əldə edilməsi planına uyğundur. Ölkədəki bütün tikinti-quraşdırma və istehsalat sahələrində - həm dənizdə, həm də quruda, o cümlədən Səngəçal terminalı, Bakı yaxınlığındakı ATA ("AMEK/Tekfen/Azfen") sahəsi, Bakı Dərin Özüllər Zavodu və boru kəməri marşrutu boyunca irimiqyaslı işlər davam edir", - deyə hesabatda qeyd olunub.

    Bildirilib ki, III rübdə layihə daha bir mühüm irəliləyişə nail olub – Bakı Gəmiqayırma Zavodunda inşa edilən “Xankəndi” sualtı tikinti gəmisi üçün iki iri gövdə seksiyası Sinqapurdan yola salınıb. Bu seksiyaların çəkisi ümimilikdə 10 800 ton, uzunluğu 140 metr, eni 16 metr, hündürlüyü isə 17 metrdir. İnşası bitdikdən sonra bu yeni gəmi "Şahdəniz-2" sahəsinə aparılaraq sualtı qurğuların tikintisini icra edəcək.

    Hesabata əsasən, Azərbaycanda 18 mindən çox insan artıq bütün əsas müqavilələr üzrə tikinti işlərinə cəlb olunub və onların 85%-dən çoxu ölkə vətəndaşlarıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi