Yuxarı
    Bağlamaq

    BP: Cənub Qaz Dəhlizinin Azərbaycan və Gürcüstan ərazisində 90%-dən çox hissəsi tamamlanıb

    BP rəsmisi deyib ki, Şahdənizdə platformaların bir hissəsi quraşdırılıb© Report.az

    Bakı. 9 avqust. REPORT.AZ/ “Şahdəniz-2” və Cənub Qaz Dəhlizi layihələrinin Azərbaycan və Gürcüstan ərazisində 90%-dən çox hissəsi reallaşdırılıb. 

    “Report” xəbər verir ki, bunu jurnalistlərə “BP-Azerbaijan”ın vitse-prezidenti Bəxtiyar Aslanbəyli deyib.

    BP rəsmisi deyib ki, “Şahdəniz”də platformaların bir hissəsi quraşdırılıb: “Faktiki olaraq, platformaların yuxarı hissəsi hazırdır, bir hissəsi isə quraşdırılıb. Layihənin Türkiyə və Avropa hissəsində də icrası davam etdirilir. Planlaşdırıldığı kimi, Azərbaycan qazı 2018-ci ildə Türkiyəyə, 2020-ci ildə isə Avropaya çatdırılacaq”.

    "Şahdəniz" qaz-kondensat yatağı Bakıdan 70 km cənub-şərqdə, suyun dərinliyinin 50-500 metr arasında dəyişdiyi Xəzər dənizinin şelf zonasında yerləşir. Yatağın ehtiyatları 1,2 trln. kubmetr qaz həcmində qiymətləndirilir. Bu, dünyanın ən iri qaz və qaz-kondensat yataqlarından hesab olunur. Hazırda yatağın işlənməsinin I mərhələsi çərçivəsində Türkiyəyə ildə 6 mlrd. kubmetrdən çox qaz nəql edilir. “Şahdəniz" konsorsiumunda TPAO 19% paya malikdir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi