Yuxarı

Bərdə və Sabirabad rayonlarının 3 kəndinə qaz verilib

Daha 581 abonent qazla təmin olunub

Bakı. 3 may. REPORT.AZ/ Bu gün Bərdə və Sabirabad rayonlarının daha üç kəndinə təbii qaz verilib.

"Report" Azərbaycan Dövlət Neft Şirkətinə (SOCAR) istinadən xəbər verir ki, bu münasibətlə keçirilmiş tədbirlərdə rayon icra hakimiyyətləri və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər.

Bərdə rayonunda keçirilmiş mərasimdə bildirilib ki, ümumilikdə 450 abonenti olan Mehdili və Cumalar kəndlərinin yenidən qazlaşdırılması məqsədilə 28 242 metr uzunluğunda daşıyıcı və məhəllədaxili qaz xətləri çəkilib, hər bir abonent üçün ayrıca sayğac və fərdi tənzimləyici quraşdırılıb.

Sabirabad rayonun 131 abonentlik Minbaşı kəndinə təbii qazın verilişinin bərpası ilə əlaqədar keçirilmiş mərasimdə isə qeyd olunub ki, qazlaşdırma işləri zamanı 11 258 metr uzunluğunda polietilen və metal borularla qaz xətləri çəkilib, abonentlərin mənzillərində sayğac və fərdi tənzimləyici quraşdırılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi