BEA neft hasilatına dair proqnozu yeniləyib

Beynəlxalq Enerji Agentliyi (BEA) OPEC+ formatına daxil olmayan ölkələrdə bu il neft hasilatına dair proqnozunu cüzi azaldıb.

“Report” BEA-ya istinadən xəbər verir ki, ötən ayın hesabatına nisbətən sözügedən ölkələrdə bu ilin nəticələrinə görə gündəlik neft hasilatı proqnozu 100 min barel azaldılaraq 47,6 milyon barel həcmində təyin olunub. Buna əsas kimi ABŞ-da hasilatın artımı müqabilində Braziliyada azalacağı göstərilir.