Baş nazir: "Azərbaycan alternativ enerji ilə bağlı iri layihələr icra edir"

Azərbaycan alternativ enerji mənbələrinin inkişafı ilə bağlı dünyanın aparıcı şirkətləri ilə birgə bir sıra iri layihələr icra edir.

"Report" xəbər verir ki, bunu Baş nazir Əli Əsədov Rusiyanın Soçi şəhərində keçirilən MDB Hökumət Başçıları Şurasının iclasında bildirib.

O, eyni zamanda Azərbaycanın “yaşıl” enerji gündəliyi məsələləri üzrə qarşılıqlı faydalı əməkdaşlığın inkişaf etdirilməsi imkanlarını nəzərdən keçirməyə hazır olduğunu qeyd edib.