Yuxarı

Baş direktor: "Abonent “Azəriqaz”ın üzləşdiyi texniki problemlərdən əziyyət çəkməməlidir"

Baş direktor: "Abonent “Azəriqaz”ın üzləşdiyi texniki problemlərdən əz

“Azəriqaz” İstehsalat Birliyində rəhbər heyət, eləcə də struktura daxil olan departament, şöbə və idarələrin rəhbər işçilərinin iştirakı ilə geniş istehsalat müşavirəsi keçirilib.

“Azəriqaz”dan “Report”a verilən məlumata görə, Birliyin baş direktoru Ruslan Əliyev çıxış edərək bildirib ki, 2019-cu il üçün nəzərdə tutulan işlərin əksəriyyəti tamamlanmaq üzrədir.

"Xüsusən də bu il ərzində qazlaşdırılacaq 92 yaşayış məntəqəsi və yaşayış massivində işlər yekunlaşmaqdadır və ardıcıl olaraq qaz açılışları təmin edilir", - R.Əliyev deyib.

Bundan başqa, baş direktor bütün struktur bölmələrin qarşısında konkret tapşırıqlar qoyub: “Abonent “Azəriqaz” İB-nin üzləşdiyi texniki problemlərdən əziyyət çəkməməlidir. Biz bu işləri elə icra etməliyik ki, vaxtında səmərəsi olsun və normal, texniki rejimlərə uyğun qaz təchizatı həyata keçirilsin”.

R.Əliyev kollegiya iclasında bir daha müvafiq qurumlar, o cümlədən regional idarələrə qısa müddət ərzində işlərində hiss ediləcək dərəcədə dönüş yaratmalarını tapşırıb. Eyni zamanda şikayətlərin vaxtında və operativ araşdırılması, sayğacların yoxlanışı prosesində abonentlərin iştirakına diqqət yetirilməsinin vacibliyi vurğulanıb.

Qeyd edək ki, “Azəriqaz” İB-də bu cür istehsalat müşavirələrinin hər ay keçirilməsi qərara alınıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi