Yuxarı
    Bağlamaq

    ​Bakı-Tbilisi-Ərzurum kəməri ilə 3,6 mlrd. kubmetr qaz ötürülüb

    Magistral qaz kəmərləri ilə 10,4 mlrd. kubmetr qaz nəql edilib

    Bakı. 15 iyul. REPORT.AZ/Bu ilin I yarısında Azərbaycanın magistral qaz kəmərləri ilə 10 371,8 mln. kubmetr qaz nəql edilib.

    "Report" Dövlət Statistika Komitəsinə istinadən xəbər verir ki, əvvəlki ilin müvafiq dövrünə nisbətən 8,8% azalma müşahidə olunub.

    Qazın nəqlinin 34,6%-i Bakı-Tbilisi-Ərzurum Cənubi Qafqaz boru kəməri vasitəsilə həyata keçirilib və 3591,0 mln. kubmetr qaz ötürülüb.

    Qeyd edək ki, Cənubi Qafqaz Boru Kəməri Xəzər dənizinin Azərbaycan sektorunda yerləşən "Şahdəniz" qaz-kondensat yatağından hasil edilən qazın nəqli üçün inşa edilmiş kəmərdir.

    Boru kəməri Bakı yaxınlığındakı Səngəçal terminalından başlayır. Bu boru kəməri Türkiyə sərhədinədək Azərbaycanda və Gürcüstanda Bakı-Tbilisi-Ceyhan (BTC)neft kəməri ilə eyni marşrutdadır. Türkiyədə bu ölkənin qazpaylama sisteminə birləşdirilib.

    Bu boru kəməri 2006-cı ilin sonunda istismara verilərək əvvəl Azərbaycana və Gürcüstana, 2007-ci ilin iyul ayından başlayaraq isə həm də Türkiyəyə "Şahdəniz-1" qazını çatdırır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi