Yuxarı
    Bağlamaq

    "Babək" strukturunda ilk qaz hasilatına 2024-2025-ci illərdə başlanması planlaşdırılır

    Bəhram Hüseynov: Qaz-kondensat yatağı aşkarlansa, ehtiyatların 3-4 quyu vasitəsilə ilkin işlənməsinə başlamaq mümkündür
    © Report.az

    Bakı. 2 iyun. REPORT.AZ/ "Babək" perspektiv strukturunda ilk qaz hasilatına 2024-2025-ci illərdə başlanması planlaşdırılır".

    "Report" xəbər verir ki, bunu Bakıda keçirilən Xəzər neft-qaz konfransında Azərbaycan Dövlət Neft Şirkətinin (SOCAR) geologiya və geofizika üzrə vitse-prezidenti Bəhram Hüseynov bildirib.

    "Bu, qonşu "Ümid" yatağı ilə bitişik stukturdur. Burada 3D seysmik işlər aparılıb və 2013-cü ildə tamamlanıb. "Ümid" yatağının davamı kimi bitişik dörd tərəfdən qapalı qaz-kondensat yatağının perspektiv strukturu aşkarlanıb", - deyə şirkət rəsmisi bildirib.

    "Hazırda SOCAR-ın Elmi-Tədqiqat Layihə İnstitutu tərəfindən ilk kəşfiyyat quyusunun qazılmasına hazırlıq işləri görülür. Burada dənizin dərinliyi 180 metrdən 800 metrə qədərdir", - deyə B.Hüseynov vurğulayıb.

    Onun sözlərinə görə, əgər qaz-kondensat yatağı aşkar olunarsa, ilk olaraq 180 metr dərinlikdə bir platforma qoyub, ehtiyatların 3-4 quyu vasitəsilə ilkin işlənməsinə başlamaq mümkündür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi