“Azneft” rəhbərliyi sosial şəbəkələrdə yayılan hadisəni araşdırmaq üçün “Neft Daşları”na gedib

“Azneft” rəhbərliyi sosial şəbəkələrdə yayılan hadisəni araşdırmaq üçün “Neft Daşları”na gedib Sosial şəbəkələrdə yayılan çirkli maddələrin dənizə axıdılması görüntüləri ilə bağlı məsələni araşdırmaq üçün Azərbaycan Dövlət Neft Şirkətinin (SOCAR) “Azneft” İstehsalat Birliyi rəhbərliyinin iştirakı ilə komissiya “Neft Daşları”na yollanıb.
Energetika
208
23 Dekabr , 2019 12:34
“Azneft” rəhbərliyi sosial şəbəkələrdə yayılan hadisəni araşdırmaq üçün “Neft Daşları”na gedib
Foto: socar.az

Sosial şəbəkələrdə yayılan çirkli maddələrin dənizə axıdılması görüntüləri ilə bağlı məsələni araşdırmaq üçün Azərbaycan Dövlət Neft Şirkətinin (SOCAR) “Azneft” İstehsalat Birliyi rəhbərliyinin iştirakı ilə komissiya “Neft Daşları”na yollanıb.

Bunu "Report"a SOCAR-ın İctimaiyyətlə əlaqələr və tədbirlərin təşkili idarəsinin rəis müavini İbrahim Əhmədov bildirib.

“Bu gün səhər saatlarından “Azneft” İstehsalat Birliyinin rəhbər şəxslərinin də iştirak etdiyi komissiya hadisəni araşdırmaq üçün əraziyə gedib. Normalda heç bir təlimatlarımızda, heç bir proseslərdə çirkli  maddələrin dənizə bu şəkildə axıdılması nəzərdə tutulmur. Rəhbərlik tərəfindən də belə təlimat verilməyib. Bunun necə baş verdiyi hələ məlum deyil. Hadisəni dəqiqləşdirmək, araşdırmaq və qarşısını almaq üçün oraya xüsusi komissiya göndərilib”,- İ. Əhmədov qeyd edib. 

O əlavə edib ki, gələcəkdə belə hadisələrin təkrar baş verməməsi üçün nəzarət daha da gücləndiriləcək.

Son xəbərlər

Orphus sistemi