Yuxarı
    Bağlamaq

    ​AzMeCo Rusiyanın "Qazprom" şirkətindən qazın alınmasını dayandırıb

    Müqavilənin qüvvədə olduğu vaxt ərzində AzMeCo 100 mln. kubmetrdən çox qaz alıb

    Bakı. 20 oktyabr. REPORT.AZ/ AzMeCo (Azərbaycan metanol zavodu) Rusiyanın "Qazprom" şirkətindən qazın alınmasını dayandırıb.

    AzMeCo-dan "Report"a verilən məlumata görə, dünya bazarında metanolun qiymətinin aşağı düşməsinə görə mövcud müqavilədə nəzərdə tutulan qiymətlə "Qazprom" şirkətindən qazın alınması zavod üçün sərfəli deyil. "Mövcud qiymətlərlə qazın alınmasına davam etmək, istehsalın zərərlə işləməsinə səbəb olur, ona görə də, "Qazprom" şirkətindən qazın alınmasını dayandırmaq haqqında qərar qəbul olunub", - AzMeCo-dan bildirilib.

    Müqavilənin qüvvədə olduğu vaxt ərzində AzMeCo 100 mln. kubmetrdən çox qaz alıb.

    Qeyd edək ki, bu il sentyabrın 11-də AzMeCo Rusiyanın "Qazprom Export" şirkəti ilə müqavilə imzalayıb. Müqaviləyə əsasən, "Qazprom" AzMeCo-ya ildə 2 milyard kubmetr həcmində qaz satmalı idi. "Qazprom"un satacağı bu təbii qaz Qaradağ metanol zavodunun tam gücü ilə işləməsini 100% təmin edəcəkdi.

    AzMeCo 2007-ci ildə yaradılıb və 2013-ci ilin dekabrında istismara verilib. Zavodun istehsal gücü ildə 720 min ton təşkil edir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi