Yuxarı

​"Azərişıq" Qubada elektrik verilişini bərpa edib

T.Mustafayev: Yaxın 1 saatda rayonun enerji təminatında yaranan problem tam aradan qaldırılacaq

Bakı. 19 yanvar. REPORT.AZ/ Gecə saatlarından əsən güclü külək Quba şəhərinin bir hissəsinə elektrik enerjisinin verilişində problemlər yaradıb. "Azərişıq" ASC-nin mətbuat xidmətinin rəhbəri Tanrıverdi Mustafayevin "Report"a verdiyi məlumata görə, qurum əməkdaşları ötən gecə təbii fəlakətin nəticələrini aradan qaldırmaq üçün işləyiblər.

T.Mustafayev qarşıdakı 1 saatda rayonun elektrik enerji təminatında yaranan problemin tam aradan qaldırılacağını deyib: "Əməkdaşlarımız bütün gecə boyu problemin aradan qaldırılması üçün işləyiblər. Hazırda iki xətdə elektrik enerjisinin verilişi bərpa edilməyib. Onlardan biri "Kupçal xətti", digəri isə "Park xətti" adlanır. Qarşıdakı 1 saat ərzində həmin xətlərə də elektrik enerjisinin verilməsi bərpa ediləcək".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi