“Azərişıq”ın aldığı elektrik enerjisinin həcmi azalıb

“2015-ci ildə “Azərişıq” ASC üzrə alınan elektrik enerjisinin həcmi 19,688 mlrd. kVt/saat təşkil edib. 2016-cı ildə bu rəqəm 19,256 mlrd. kVt/saat, 2017-ci ildə 18,587 mlrd. kVt/saat, 2018-ci ildə isə 18,785 mlrd. kVt/saat olub”.

“Report”un məlumatına görə, bunu şirkətin Enerji satışı departamentinin direktor müavini Vüqar Nəbibəyli bildirib.

Onun sözlərinə görə, əvvəlki illərlə müqayisədə azalmaya səbəb şəbəkədə yenidənqurma işlərinin aparılması, eləcə də SCADA sisteminin tətbiqidir. Son nəticədə elektrik enerjisinin uçot sistemi təkmilləşdirilib.