Yuxarı

"Azəriqaz": Son iki ayda 88 çoxmərtəbəli binaya qaz verilib

Məlumata görə, həmin binalarda ümumilikdə 2957 ailə yaşayır

Bakı. 7 mart. REPORT.AZ/ “Azəriqaz” İstehsalat Birliyi 2016-cı ilin yanvar-fevral aylarında hüquqi və fiziki şəxslərin müraciətlərini araşdıraraq, müvafiq sənədləri təqdim olunan 88 çoxmərtəbəli binaya təbii qazın verilməsini təmin edib. Bu barədə "Report"a Azərbaycan Dövlət Neft Şirkətinin (SOCAR) mətbuat xidmətindən məlumat verilib.

Məlumata görə, həmin binalarda ümumilikdə 2 957 ailə yaşayır.

“Azəriqaz” İB təbii qazın satışı ilə məşğul olan bir qurum kimi zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binanın ən qısa müddətdə “mavi yanacaq”la təmin olunmasında maraqlı olduğunu açıqlayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi