“Azəriqaz” sahibkarlarla növbəti görüşünu sabah Biləsuvarda keçirəcək

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi rəhbərliyinin “Açıq mikrofon” aksiyası çərçivəsində sahibkarlarla növbəti görüşü sabah Biləsuvar rayonunda təşkil olunacaq.

“Report”un "Azəriqaz"a istinadən verdiyi məlumata görə, İstehsalat Birliyinin rəhbər şəxsləri Biləsuvar şəhəri, Səməd Vurğun küçəsində (İncəsənət məktəbinin qarşısında) baş tutacaq aksiyada sahibkarları maraqlandıran sualları cavablandıracaqlar.

“Səyyar qəbul otağı” saat 12:00-dan 13:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək.