"Azəriqaz" Mingəçevirdə sahibkarlarla görüş keçirəcək

Azərbaycan Dövlət Neft Şirkətinin (SOCAR) “Azəriqaz” İstehsalat Birliyi “Açıq mikrofon” aksiyası çərçivəsində Mingəçevir şəhərində sahibkarlarla görüş keçirəcək.

Bu barədə "Report"a qurumdan bildirilib.

Məlumata görə, "Azəriqaz"ın rəhbər şəxsləri Mingəçevir şəhərinin Nəriman Nərimanov prospektində, Gənclər evinin qarşısında baş tutacaq aksiyada sahibkarları maraqlandıran sualları cavablandıracaqlar. "Səyyam qəbul otağı" yanvarın 26-da saat 13:00-dan 15:00-a qədər sahibkarların xidmətində olacaq. İstənilən təklif və problemlər yerindəcə aydınlaşdırılacaq və müvafiq qərarlar veriləcək.